Португалия футбол федерацияси (ПФФ) Криштиану Роналдуга нисбатан интизомий иш очилганидан сўнг футболчини миллий жамоа сафидан вақтинча четлатди. Ҳужумчининг иши федерациянинг интизомий органлари томонидан кўриб чиқилмоқда.
«Иш юритиш бошланишидан олдин футболчи автоматик тарзда вақтинча четлатилган эди. Шунингдек, унга нисбатан қўшимча равишда автоматик бўлмаган вақтинчалик четлатиш чораси белгиланди ва ишга шошилинч мақом берилди. 2026 йил 10 октябр куни иш Португалия футбол федерациясининг интизомий текширув қўмитасига юборилди. Текширув якунлангунга қадар иш материалларини эълон қилиш тақиқланди», — дейилади ПФФ интизом кенгаши баёнотида. А Bola нашри ушбу баёнотдан иқтибос келтирган.
Қайд этилишича, Португалия футбол федерацияси регламентига мувофиқ, Роналдуга нисбатан олти ойгача дисквалификация ва 1000 еврогача жарима жазоси қўлланиши мумкин. Бироқ бу чоралар ҳозирча эҳтимолий жазо ҳисобланади. Футболчига нисбатан якуний қарор текширув натижаларига кўра қабул қилинади.
Эслатиб ўтамиз, аввалроқ Роналду миллий жамоа йиғинини ўзбошимчалик билан тарк этгани сабабли унга нисбатан интизомий иш очилгани хабар қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади