ортугалия миллий жамоаси футболчилари Криштиану Роналдунинг жамоа йиғинини тарк этиши сабаблари ҳақида берган баёнотига ижтимоий тармоқларда ҳеч қандай муносабат билдирмади. Бу ҳақда А Bolа хабар берди.
Манба маълумотига кўра, Роналдунинг миллий жамоадаги бирорта жамоадоши унинг ушбу постига «лайк» босмаган ёки изоҳ қолдирмаган. Шу билан бирга, футболчининг баёноти 18 миллиондан ортиқ «лайк» ва 567 мингта изоҳ тўплаган.
А Bolа португалиялик футболчилар одатда ижтимоий тармоқларда бир-бирларининг постлари билан фаол тарзда ўзаро алоқада бўлишини таъкидлаган. Бироқ Роналдунинг сўнгги пайтлардаги айрим нашрлари жамоадошлари томонидан эътиборсиз қолдирилмоқда.
Эслатиб ўтамиз, 6 октябр куни Роналду Португалия миллий жамоаси бош мураббийи Жорже Жезуш билан юзага келган можаро ҳақида баёнот берганди. Футболчи жамоа йиғинини тарк этиши ортидан ўз позициясини тушунтириб, ўйинларда кафолатланган вақт талаб қилмаганини айтган. Унинг сўзларига кўра, баҳсларда қанча вақт майдонда бўлиши ҳақидаги режани мураббийнинг ўзи таклиф қилган.
