«Арсенал»нинг собиқ яримҳимоячиси Жек Уилшир ўзи билан бирга ўйнаган энг яхши футболчи ким бўлганини айтди. Англиялик футболчи бу борада миллий жамоа сафида бирга тўп тепган Уейн Рунини танлади.
Уилширнинг фикрича, Руни фаолияти давомида бирга ўйнаган футболчилари орасида энг юқори савияга эга футболчи бўлган.
«Мен бирга ўйнаган энг яхши футболчи? Уейн Руни», — дея Уилширнинг сўзларини келтиради Тhe Touchline.
Уилшир Англия миллий жамоаси сафида 34 та баҳсда майдонга тушиб, 2 та гол урган ва 2 та голли узатмани амалга оширган. Руни эса Англия миллий жамоаси сафида 120 та баҳс ўтказиб, 53 та гол ва 21 та голли узатмага муаллифлик қилган.
Маълумот учун, Руни клуб миқёсида «Эвертон», «Манчестер Юнайтед», «Ди Си Юнайтед» ва «Дерби» жамоаларида тўп тепган.
