«Барселона» Испания чемпионатининг навбатдаги турида «Хетафе»га қарши уй баҳсига тайёргарлик кўрмоқда. Каталония клуби етакчиси Рафиня пайшанба кунги машғулотда жамоа билан бирга шуғулланмади. Бу ҳақда журналист Алекс Пинтанелга таяниб Barca Univercal хабар берди.
Шунга қарамай, Рафинянинг «Хетафе»га қарши баҳсда майдонга тушиш имконияти ҳозирча истисно қилинмаган. Бразилиялик ҳужумчи жума куни тиббий кўрикдан ўтади ва шундан сўнг унинг ҳолатига аниқлик киритилади.
Аввалроқ Рафиня тиззасидаги ноқулайлик сабаб Бразилия миллий жамоаси ихтиёрини муддатидан олдин тарк этганди. Футболчининг клубдаги навбатдаги баҳсда иштирок этиши унинг тиббий кўрик натижаларига боғлиқ бўлади.
Рафиня 2026/2027 йилги мавсумда «Барселона» сафида 8 та баҳсда майдонга тушди. У ушбу баҳсларда 14 та гол уриб, 3 та голли узатмани амалга оширди.
Маълумот учун, «Барселона» — «Хетафе» баҳси 10 октабр куни Тошкент вақти билан соат 21:30 да бошланади.
