Мадриднинг «Реал» клуби ҳужумчиси Эндрик қишки трансфер ойнасида жамоани тарк этиши мумкин. Бу ҳақда La Gazzetta dello Sport нашри хабар берди.
Аввалроқ «Милан» 20 ёшли футболчини январ ойида ижарага олишни режалаштираётгани ҳақида хабарлар тарқалган эди. Энди манбага кўра, Эндрик Италиянинг ушбу клубига ўтишга розилик берган.
Хабарда айтилишича, агар «Реал» футболчининг кетишига рухсат берса, «Милан» ҳужумчининг асосий танловига айланади. Эндрикнинг ўзи ҳам фаолиятини вақтинча Италияда давом эттириш вариантига ижобий қарамоқда.
Эндрик ушбу мавсумда Испания чемпионатининг атиги битта баҳсида майдонга тушди ва унда бор-йўғи 4 дақиқа ҳаракат қилди. Бразилиялик футболчининг «Реал» билан шартномаси 2030 йил ёзигача мўлжалланган.
Маълумот учун, Эндрик «Реал» сафига 2024 йил ёзида «Палмейрас» клубидан қўшилган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади