Бенин миллий жамоаси бош мураббийи Гернот Рор Аргентина билан ўртоқлик учрашувидан кейин футболчиларининг рақиблар билан либос алмаша олмаганидан норози бўлди.
Рорнинг айтишича, хавфсизлик хизмати уларни Аргентина футболчилари жойлашган йўлак ва кийиниш хонасига киритмаган.
«Ягона нохуш ҳолат — аргентиналиклар футболчиларимизга ҳеч нарса беришмади. Ҳатто Месси билан суратга ҳам туша олмадик.
Биз либос алмашишни хоҳлагандик, аммо бирортасини ҳам ололмадик. Ҳатто уларнинг йўлагига ҳам киролмадик — хавфсизлик хизмати ҳеч кимни ўтказмади.
Футболчиларимиз аргентиналиклар билан либос алмашиш умидида ўз либослари билан келишганди. Биз келишишга ҳаракат қилдик, аммо барча уринишларимиз зое кетди.
Шунга қарамай, Лионел Скалонига 2018 йилги Месси либосини бердим. Бу либосга Месси 2018 йилги жаҳон чемпионатида Нигерияга қарши ўйиндан кейин дастхат қўйиб берганди.
Скалони ундан либосга қўйиб беришни сўради ва кейин уни менга қайтариб берди. Мен ярим соат кутдим, аммо бу муаммо эмас», — деди Гернот Рор.
Эслатиб ўтамиз, Аргентина Месси учун хайрлашув учрашувига айланган баҳсда Бенинни 3:0 ҳисобида мағлуб этди.
