Аргентина президенти Хавиер Милей Лионель Мессининг миллий жамоадаги сўнгги учрашувига муносабат билдирди.
«Лионел Месси, сенга катта раҳмат! Ҳеч қандай шубҳасиз, сен тарихдаги энг буюк футболчисан. Месси, майдонда ва унинг ташқарида бизга тақдим этган барча унутилмас лаҳзаларинг учун катта раҳмат.
Сен бутун дунёга тинмай меҳнат қилиш орқали ҳатто имконсиздек кўринган нарсаларга ҳам эришиш мумкинлигини кўрсатдинг. Месси — ақлбовар қилмас футболчи! Олға, Аргентина!» — деб ёзди Милей Х ижтимоий тармоғидаги саҳифасида.
Маълумот ўрнида, Месси «кумушранг ўлка вакиллари» сафида 208 та учрашувда 126 та гол урган. У жамоа билан жаҳон чемпионати ва икки марта Америка кубогида ғолиб чиққан. Шунингдек, Лионел икки марта ушбу турнирда кумуш медални қўлга киритган.
Аввалроқ аргентиналиклар ўртоқлик учрашувида Бенинни 3:0 ҳисобида мағлуб этгани маълум қилинганди.
