Аргентина миллий жамоаси бош мураббийи Лионел Скалони жамоа билан амалдаги шартномаси якунланганидан кейинги фаолияти ҳақида фикр билдирди.
«Агар ҳаммаси режа бўйича кетса, Аргентина миллий жамоаси бош мураббийи сифатида фаолиятимни давом эттираман. Мен учун Лео Мессини бошқариш катта шараф бўлди», — деди мутахассис.
Эслатиб ўтамиз, Аргентина миллий жамоасининг Бенин билан 3:0 ҳисобидаги ғалабаси Месси учун жамоа сафидаги сўнгги баҳс бўлди. Ҳужумчи ушбу баҳсда гол уриб, иккита голли узатмани амалга оширди.
Маълумот учун, Скалонининг Аргентина миллий жамоаси билан амалдаги шартномаси 2026 йил охиригача мўлжалланган. Унинг қўл остида жамоа жаҳон чемпионати ва Америка кубогида ғолиб чиққан.
