Лионел Месси Аргентина миллий жамоаси сафидаги сўнгги баҳсини Бенин билан ўтказди. Буенос-Айресдаги «Монументал Антонио Веспуччи Либерти» стадионида кечган беллашувда аргентиналиклар 3:0 ҳисобида ғалаба қозонди.
Месси 71-дақиқада пеналтини аниқ амалга ошириб, жамоасининг учинчи голини урди. Шу тариқа ҳужумчи фаолияти давомида 46 та турли миллий жамоа дарвозасини ишғол қилган.
Маълумотларга кўра, Месси энг кўп Европа вакилларига қарши гол урган — 14 та жамоа. Шунингдек, у КОНКАКАФнинг 10 та, КОНМEБОЛнинг 9 та, Африка қитъасининг 7 та ва Осиёнинг 6 та жамоаси дарвозасини ишғол қилган.
Месси Аргентина миллий жамоасидаги дебютини 2005 йил август ойида Венгрияга қарши ўтказган. У миллий жамоа сафида жами 208 та баҳсда 126 та гол ва 70 та голли узатмага муаллифлик қилган.
Эслатиб ўтамиз, Аргентина Бенин устидан 3:0 ҳисобида ғалаба қозонган. Голларга Николас Отаменди, Алексис Пас ва Лионел Месси муаллифлик қилган.
