Испания миллий жамоаси Миллатлар лигаси-2026/27 мавсуми Лига А 3-гуруҳининг 4-турида Хорватияни 2:1 ҳисобида мағлуб этди. Ушбу натижа испанияларга чоракфинал йўлланмасини муддатидан аввал таъминлаш имконини берди.
Баҳсда Хорватия Перишичнинг 17-дақиқадаги голи эвазига ҳисобда олдинга чиқди. Испания эса иккинчи бўлимда Микел Меринонинг голлари эвазига камбек амалга оширди. Яримҳимоячи 61 ва 88-дақиқаларда гол уриб, жамоасига ғалаба келтирди.
«Мақсад — ғалаба қозонишда давом этиш. Биз мағлубиятсиз 42 та баҳс ўтказдик ва бу серияни янада узайтирмоқчимиз. Бу жамоадан жуда фахрланаман, менда шундай футболчилар борлигидан бахтиёрман», — деди Испания бош мураббийи Луис де ла Фуенте.
4-турдан сўнг Испания 12 очко билан гуруҳда пешқадамлик қилмоқда. Англия 9 очко билан иккинчи, Хорватия 3 очко билан учинчи, Чехия эса очкосиз сўнгги ўринда бормоқда.
Эслатиб ўтамиз, Испания навбатдаги баҳсини Миллатлар лигаси гуруҳ босқичининг 5-турида ўтказади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади