Англия миллий жамоаси яримҳимоячиси Жуд Беллингҳэм Миллатлар лигасининг 4-турида Чехияга қарши кечган баҳсдан сўнг Ҳарри Кейн ҳақида фикр билдирди. Англия 3:0 ҳисобида ғалаба қозонган баҳсда Кейн дубл қайд этди.
«Менимча, у ҳақида аввал айтилган гапларга кўп нарса қўшиш қийин. Мен учун у, аввало, сардор ва инсон сифатида ажойиб шахс.
У Англия миллий жамоаси тарихида ушбу футболкани кийган энг яхши футболчи. У билан бирга ўйнаш мен учун катта шараф. Унга етишиш деярли имконсиз. У голларни ажойиб енгиллик билан уради, чуқурроқ позицияга тушади, тўп учун курашади. У фақат яхшиланиб бормоқда», — деди Беллингҳэм BBC нашрига.
Маълумот учун, Кейн Чехияга қарши баҳсда 40 ва 57-дақиқаларда гол урди. Ушбу голлар эвазига у Англия миллий жамоаси сафидаги голлари сонини 91 тага етказди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади