«Барселона» собиқ футболчиси, айни вақтда Белгия миллий жамоаси бош мураббийи бўлиб турган Марк ван Боммел Лионел Мессининг Аргентина миллий жамоасидан кетиши ҳақида ўз фикрларини билдириб ўтди.
«Месси билан бирга ўйнаганимдан хурсандман. Биз Чемпионлар Лигаси финалида ғолиб чиққанмиз, аммо у жароҳати сабаб ўша учрашувни ўтказиб юборган ва трибунада бўлган. У билан бир кийиниш хонасини баҳам кўрганимдан хурсандман», — деди ван Боммел матбуот анжуманида.
Бунгача 39 ёшли Месси миллий жамоадаги фаолиятини якунлашини маълум қилганди. Бироқ кейинроқ Аргентина миллий жамоаси бош мураббийи Лионел Скалони ва Аргентина футбол федерацияси президенти Клаудио Тапия Мессини хайрлашув ўйинида иштирок этишга кўндиргани маълум бўлди.
Маълумот ўрнида, Месси 7 октябр куни Аргентина миллий жамоаси либосини сўнгги марта кийиб, Бенинга қарши ўртоқлик учрашувида майдонга тушади. Беллашув Тошкент вақти билан соат 05:00 да бошланади.
