«Комо» ва Англия миллий жамоаси ҳимоячиси Трево Чалоба «Челси»дан кетиши ҳақида фикр билдирди.
Эслатиб ўтамиз, 27 ёшли футболчи Лондон клуби академиясига саккиз ёшида қўшилган ва бу йил ёзида янги чақирувни қабул қилиб, Италияга кўчиб ўтган.
«Эришган натижаларимдан чиндан ҳам мамнунман. Бутун бу жараён мен учун катта синов бўлди. Бу менинг ишончимдан далолат беради ва клубдаги барча қийинчиликларни қандай енгиб ўтганимни кўрсатади.
«Челси»да улғайдим ва у ерда ўтказган ҳар бир лаҳзамдан завқ олдим: қўлга киритган совринларим, иштирок этган муҳим учрашувларим — буларнинг барчаси ажойиб эди. Ҳозир эса бошқа ва янги нарсани синаб кўриш учун айни пайт келганини ҳис қилдим», — дея Чалобанинг сўзларини келтиради The Standard.
Маълумот учун, Чалобанинг трансфери «Комо»га 30 миллион еврога тушган.
