«Комо» бош мураббийи Сеск Фабрегас нима сабабдан «Интер»yb бошқариш таклифини рад этганини тушунтирди.
«Мен кўп ўйлайдиган ва ҳар бир нарсани чуқур таҳлил қиладиган инсонман. Тушунаманки, якунда мураббийнинг фаолияти қўлга киритган совринлари сони билан баҳоланади — бу адолатли. Аммо бизнинг суҳбатимизда Да Куньянинг ривожланиши ҳақида гап борди. У ҳозир терма жамоада ўйнаяпти. Мен учун бу ҳар қандай кубокдан ҳам қимматлироқ ғалаба.
Кўплаб ёш футболчилар айнан мен билан ишлаш учун «Комо»га келганини билардим. Нико Пас ҳозир барчанинг эътиборида, аммо икки йил аввал у «Реал Кастиля»дан келган эди ва унинг отаси ўғлининг келажагини менга тўлиқ ишониб топширган. Мен Валле, Перроне, Да Куня ва бошқа кўплаб футболчилар ҳақида ҳам гапиряпман. Улар — менинг чемпионлик унвоним.
Энг муҳими — вақт, аммо мураббийда ҳеч қачон вақт бўлмайди. Бунга энг ёрқин мисол — Артета. У кетма-кет уч мавсум саккизинчи ўринни эгаллади, кейин бешинчи бўлди, етти йилдан сўнг эса Премьер-лигада ғолиб чиқди ва Чемпионлар лигаси финалига йўл олди.
«Комо»да бизнинг аниқ мақсад ва қарашларимиз бор, бир-биримизга ишонамиз. Шу ерда ривожланишни ва клубнинг ўзига хослигини шакллантиришни афзал кўраман. Агар бир кун келиб «Комо»дан кетсам, мен билан бирга ишлаётган барчамиз кейинги мураббий лойиҳамизни давом эттиришини хоҳлаймиз», — дея Фабрегаснинг сўзларини келтиради FCInter1908.it.
А Сериянинг беш туридан сўнг «Комо» 10 очко жамғарган ҳолда турнир жадвалининг саккизинчи поғонасидан жой олган.
