Каталониянинг «Барселона» клуби раҳбари Жоан Лапорта Аргентина миллий жамоаси ва Миланнинг «Интер» клуби ҳужумчиси Лаутаро Мартинеснинг амалга ошмай қолган трансфери ҳақида гапириб берди.
«Мен август ойида Лаутаро Мартинесни қўлга киритиш учун барча имкониятларни ишга солдим. У ажойиб ҳужумчи, биз уни «Барселона»да кўришни хоҳлардик. Мен шахсан «Интер» президентига қўнғироқ қилдим ва у мени дарҳол тўхтатди: ҳеч қандай имконият йўқ. Мен клубнинг позициясини ҳурмат қиламан», — дея Лапортанинг сўзларидан иқтибос келтиради Corrierre.
Маълумот учун, Мартинеснинг трансфер қиймати 85 миллион еврони ташкил этади. 29 ёшли аргентиналикнинг «нерадзурри» билан амалдаги шартномаси 2029 йил июн ойи охирида якунига етади.
