«Барселона» қишки трансфер ойнасида таркибнинг қайси позициясини кучайтиришни режалаштираётгани маълум бўлди. Каталония клуби биринчи навбатда чап қанот ҳимоясига янги футболчи жалб қилмоқчи.
Diario Sport хабарига кўра, «Барселона»нинг асосий эътибори шартномаси якунланаётган футболчиларга қаратилган. Каталонияликлар шу орқали футболчилар билан келишувга эришиб, уларни кейинги ёзда эркин агент сифатида таркибга қўшиб олиш имкониятини кўриб чиқмоқда.
Манбага кўра, «Барселона»нинг трансфер рўйхатидан айни вақтда «Лейпциг» сардори Давид Раум ҳамда «Кристал Пэлас» футболчиси Тайрик Митчелл ўрин олган. Ҳар икки футболчи ҳам ҳозирча ўз клублари билан шартномаларини узайтирмаган.
Каталония клуби чап қанотдаги ҳимоя чизиғини кучайтиришни муҳим вазифалардан бири сифатида кўрмоқда. Жамоа таркибида ушбу позицияда рақобатни ошириш учун янги футболчи олиб келиш вариантлари ўрганилмоқда.
Маълумот учун, «Барселона» Ла Лига турнир жадвалида етти турдан сўнг 21 очко билан пешқадамлик қилмоқда.
