ФИФА президенти Жанни Инфантино FIFA Arena лойиҳаси доирасида Тошкент шаҳридаги 90-мактаб ҳудудида барпо этилган янги футбол майдонининг тантанали очилиш маросимида қатнашди.
Тадбирда Ўзбекистон Республикаси спорт вазири, Ўзбекистон футбол ассоциацияси раҳбарияти ҳамда футбол фахрийлари иштирок этди. Маросим давомида ўқувчиларга янги майдондан унумли фойдаланиш, мунтазам машғулотлар ўтказиш ва келажакда юқори натижаларга эришиш тилаклари билдирилди.
Янги футбол майдонининг фойдаланишга топширилиши ўқувчиларни спортга кенгроқ жалб этиш ҳамда ёшлар учун қулай машғулот шароитларини яратишга хизмат қилади. Мазкур лойиҳа орқали мактаб ўқувчиларининг футболга бўлган қизиқишини ошириш ва уларнинг спорт билан мунтазам шуғулланишига имконият яратиш кўзда тутилган.
Тадбир якунида Жанни Инфантино болаларга эсдалик совғаларини топширди. ФИФА президенти шунингдек, маросим иштирокчилари ва ўқувчилар билан биргаликда эсдалик учун суратга тушди.
Маълумот учун, FIFA Arena лойиҳаси доирасида турли ҳудудларда ёшлар учун футбол инфратузилмасини ривожлантиришга қаратилган спорт майдонлари барпо этилмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади