Италиялик дарвозабон Жанлуижи Доннарумма «Манчестер Сити»ни тарк этиши ва фаолиятини Германия Бундеслигасида давом эттириши мумкин. Бу ҳақда Тransfers Nes Live маълум қилди.
Манбага кўра, 27 ёшли дарвозабоннинг хизматларига Мюнхеннинг «Бавария» клуби қизиқиш билдирмоқда. Доннарумма «Манчестер Сити»даги вазият, хусусан, клубга молиявий қоидабузарликлар бўйича жиддий чоралар қўлланиши мумкинлиги сабабли бошқа жамоага ўтиш вариантини кўриб чиқиши эҳтимоли бор.
Доннарумма 2025 йилда «Манчестер Сити» сафига қўшилган. Унинг Англия клуби билан шартномаси 2030 йил июн ойи охиригача амал қилади. Дарвозабоннинг трансфер қиймати тахминан 45 млн еврога баҳоланмоқда.
Ушбу мавсумда италиялик футболчи Англия Премер лигасида бешта баҳсда майдонга тушиб, ўз дарвозасидан бешта гол ўтказиб юборган.
Маълумот учун, Доннарумма фаолияти давомида «Милан» ва «ПСЖ» клублари сафида ҳам тўп тепган. У Италия миллий жамоасининг асосий дарвозабонларидан бири ҳисобланади.
