Бокс бўйича Ўзбекистон миллий жамоаси аъзоси Феруза Казакова Аичи-Нагоя-2026 Осиё ўйинларида бронза медалини қўлга киритди.
-51 кг вазн тоифасида иштирок этган Казакова чоракфинал баҳсида шимолий кореялик Ан Кум Бёлни 5:0 ҳисобида мағлуб этиб, яримфиналга йўл олганди.
Яримфиналда боксчимиз амалдаги Олимпиада чемпиони, хитойлик Ю Вуга қарши рингга кўтарилди. Муросасиз кечган баҳс якунида Казакова рақибига имкониятни бой берди ва мусобақани бронза медали билан якунлади.
Шу тариқа Феруза Казакова Ўзбекистон делегацияси ҳисобига навбатдаги медални қўшди.
Эслатиб ўтамиз, Казакова яримфиналгача бўлган баҳсларда ишончли иштирок этиб, Осиё ўйинларининг совриндорларидан бирига айланди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади