«Фулҳэм» ҳужумчиси Гонсало Гарсия Европанинг етакчи клублари эътиборига тушди. <e ҳақда инсайдер Экрем Конур хабар берди.
Инсайдер испаниялик 22 ёшли футболчига айнан қайси жамоалар қизиқиш билдираётгани ҳақида маълумот бермаган. Лондонликлар яқинда футболчини «Реал»дан 40 миллион евро эвазига сотиб олганди. Бу трансферни амалга ошишида клуб бош мураббийи Алваро Арбелоанинг ўрни катта бўлди. У «Фулҳэм» устозига айланганидан сўнг Гонсалони сотиб олишни истаган.
Ҳозирда Лондон клуби Гарсиянинг трансферини 60–70 миллион еврога баҳоламоқда. Шу билан бирга, «Реал» футболчини қайта сотиб олиш ҳуқуқини ўзида сақлаб қолган.
Маълумот учун, Гарсиянинг «Фулҳэм» билан шартномаси 2031 йилнинг ёзига қадар амал қилади. Transfermarkt портали эса унинг бозор қийматини 30 миллион евро деб баҳоламоқда. Гонсало АПЛнинг бу мавсумида 5 та учрашувда майдонга тушиб, 1 та гол урди.
