«Манчестер Сити»нинг собиқ ҳужумчиси Серхио Агуэро «Челси» яримҳимоячиси Коул Палмернинг ўйинига юқори баҳо берди.
«Палмер билан бирга ўйнаганман, у футболчи сифатида менга ёқади. Менимча, у ажойиб футболчи. «Сити»да бўлган пайтимда унда кўп ўйнаш имконияти бўлмаган, чунки жамоада юқори даражадаги ва айни пайтда яхши формада бўлган кўплаб футболчилар бор эди.
«Челси»га ўтиши унга фойда берди, чунки унга мунтазам ўйнаш керак эди. Менинг назаримда, ҳозир у «Челси»нинг энг яхши футболчиси. У исталган вақтда гол уриши ёки голли узатма бериши ва учрашув тақдирини ўзгартириши мумкин. Палмер, Жоау Педру ва Морган Роджерс — яхши футболчилар.
Бундай ҳужум учлиги барқарор ўйнаши учун уларнинг ортида ишончли тизим бўлиши керак. «Барселона», «Реал» ва «Сити»нинг энг яхши даврларида айнан шундай эди. Гол урганингиздан кейин жамоа ўз устунлигини сақлаб қола олиши керак», — дея Агуэронинг сўзларидан иқтибос келтиради Goal.
Бу мавсумда Коул 7 та учрашувда майдонга тушиб, 4 та гол урди ва 2 та голли узатмани амалга оширди.
