«Тоттенҳэм» клуби январ ойида «Атлетико» ҳужумчиси Хулиан Алварес учун 130 миллион евро таклиф қилиш имкониятини кўриб чиқмоқда. Бу ҳақда El Nacional хабар берди.
Манбага кўра, Лондон клуби аргентиналик футболчининг шартномасига товон пули бандини ҳам киритишга тайёр. Бу банд Алварес кейинчалик фаолиятини Каталонияда давом эттиришга қарор қилса, унинг «Барселона»га ўтишини осонлаштириши мумкин. Ҳозирча «Тоттенҳэм» ва «Атлетико» томонидан музокаралар олиб борилаётгани ҳақида расмий тасдиқ йўқ.
Аввалроқ «Атлетико» клуби оммавий равишда «Барселона» билан Алварес трансфери бўйича музокара олиб бориш нияти йўқлигини ва унинг каталонияликлар сафига тўғридан тўғри ўтишини кўриб чиқмаётганини маълум қилганди.
Алварес 2024 йил августидан буён «Атлетико» сафида ўйнаб келмоқда. Унинг клуб билан шартномаси 2030 йил июнига қадар амал қилади. Transfermarkt 26 ёшли ҳужумчининг қийматини 100 миллион еврога баҳоламоқда.
«Тоттенҳэм» Алварес учун 130 млн евро тўлашга тайёр
Футбол
4 октябр, 11:50
Лондон клуби қишда трансферни амалга оширишга уриниб кўради.
Foto: Getty Images
