Каррагер: «Сити»нинг чемпионликлари бекор қилиниши керак»

«Ливерпул»нинг собиқ ҳимоячиси Жейми Каррагер «Манчестер Сити»га қандай жазо берилиши кераклиги ҳақидаги саволга жавоб берди.

Ўтган ҳафта «шаҳарликлар» АПЛнинг молиявий қоидаларини бузиш билан боғлиқ деярли барча айбловлар бўйича айбдор деб топилганди — фақат битта банд бундан мустасно. 2023 йил феврал ойида АПЛ «Сити»ни 2009–2018 йиллар оралиғида молиявий қоидаларни 115 марта бузганликда айблаганди. Кейинроқ The Times нашри гап 115 эмас, балки 130 та қоидабузарлик ҳақида бораётганини хабар қилди:

29 сентябр куни эса АПЛ клуб барча бандлар бўйича айбдор деб топилганини маълум қилди.

— «Ливерпул» 2014 йилда чемпионликни қўлдан чиқарди. Бошқа клубларга етказилган зарарни қоплаш керакми? Агар ўша пайтда «Ливерпул» футболчиси бўлганингизда, шундай йўл билан медал олишни хоҳлармидингиз?

— Менимча, «Манчестер Сити»нинг шу даврда қўлга киритган чемпионлик унвонлари ва совринлари бекор қилиниши керак. Уларни бошқа клубларга бериш керакми-йўқми — бу бироз бошқа масала.

Аммо «Манчестер Сити»нинг қилган энг асосий иши шуки... Энди уларнинг футболчилари олган совринлар ва медалларга ҳеч ким аввалгидек қарамайди. Мен бир нечта медал ютиш бахтига муяссар бўлганман, кейин эса уларга ҳеч қачон қарамаганман. Аммо ўша лаҳзалар ҳақида хотираларим бор: катта ўйинда ҳакам ҳуштаги чалинганидаги ҳиссиёт, дарвозабонинг пеналтини қайтарган пайтдаги туйғулар...

Бу футболчилар энди ҳеч қачон бундай ҳисни туя олмайди — «Манчестер Сити» уларни ўғирлаб қўйди.

Менимча, ҳеч бир футболчини совринлар хонасига илиб қўйиш мумкин бўлган медал беришлари қизиқтирмайди. Бу уни қизиқтирмайди, у медалга қарамайди — унда ўша хотиралар бўлмайди. Шунинг учун футболчиларга ўша медалларни бериш унчалик муҳим эмас, деб ўйлайман — чунки лаҳза қўлдан бой берилган.

Футболда ғалаба қозонганингда, ҳеч ким медалларни эсламайди — гап ҳиссиётларда. Бу — тушунтириб бўлмайдиган туйғу, шунинг учун футболчи бўлиш — жуда ўзига хос нарса. Демак, совринлар ёки медаллар бошқа футболчиларга бериладими ёки йўқми — уларнинг ҳеч қандай аҳамияти йўқ.

Бу нафақат футболчиларга, балки мухлисларга ҳам тегишли. «Ливерпул», «Манчестер Юнайтед» ёки бошқа клубларнинг мухлислари инсон умрининг охиригача ўзи билан олиб юрадиган ана шу унутилмас лаҳзалардан маҳрум бўлишди. Ҳикоялар, хотиралар... Гап медалларда эмас, ҳиссиётларда — «Сити» одамлардан айнан шу нарсани ўғирлади, — дея Каррагернинг сўзларини келтиради Sky Sports.