Дания устози: «Роналду Португалиядаги фаолиятини тугатса, жамоада катта муаммолар пайдо бўлади»

Дания миллий жамоаси бош мураббийи Брайан Ример мухлислар Криштиану Роналдуни етарлича қадрламаяпти, деб ҳисоблайди.

— Менимча, у — одамлар томонидан етарлича баҳоланмаётган футболчи. Улар унинг жамоа ичидаги аҳамиятини кам баҳолашяпти. У миллий жамоадаги фаолиятини якунлайдиган кун келганда, иерархия билан боғлиқ катта муаммо пайдо бўлишига ишончим комил.

Менимча, у барча жараёнларни қаттиқ назорат остида ушлаб туради ва бунинг аҳамиятини кам баҳолаб бўлмайди.

— Демак, у жамоада бўлишга тўлиқ ҳақли?

— Бунга ишончим комил, — деди Ример TV2 эфирида.