Германия миллий жамоаси бош мураббийи, аввал «Ливерпул»ни бошқарган Юрген Клопп «Манчестер Сити»нинг молиявий қоидаларни бузганликда айбдор деб топилгани ҳақида фикр билдирди.
59 ёшли мутахассисдан АПЛдаги яна бир-иккита чемпионлик унвонини қайтариб олишга умид қилаётган-қилмаётгани сўралди.
«(Кулади) Албатта, бу хабарларни эшитдим, лекин бу ҳақда унчалик ўйлаб кўрмадим. Фақат кутиш ва нима бўлишини кўриш қолади.
Мен Пеп Гвардиолага ва «Сити»нинг ўйин услубига жуда катта ҳурмат билан қарайман — улар фантастик футбол намойиш этишди, биз учун энг юқори даражадаги рақиб бўлишди. Агар клубга қандайдир санкциялар қўлланса, бунга менинг ҳеч қандай алоқам йўқ — кутиб, нима бўлишини кўраман.
Менга чемпионлик унвони ёки шунга ўхшаш нарса берилишига асло тайёргарлик кўрмаяпман. «Ливерпул» билан эришган натижаларимиздан мутлақо мамнунман. Биз майдонда қаттиқ курашдик. Бундан ортиқ ҳеч нарса дея олмайман, чунки тафсилотларни билмайман ва улар мени қизиқтирмайди», — дея Клоппнинг сўзларини келтиради Bayern Germany.
Клопп «Сити» иши ҳақида: «Кутиш керак. Пеп ва у бошқарган жамоанинг ўйинига катта ҳурмат билан қарайман»
Футбол
1 октябр, 00:07
«Ливерпул» собиқ устозидан унга яна 1-2 та АПЛ чемпионлигини қайтарилиши эҳтимоли бўйича фикр сўрашди.
Foto: Getty Images
