Пеп «Сити» мухлисларига: «Сизлар биланман — ҳар қачонгидан ҳам кўпроқ»

«Манчестер Сити»нинг собиқ бош мураббийи Пеп Гвардиола клубга оид иш бўйича чиқарилган қарорга муносабат билдирди.

Ўтган ҳафта «шаҳарликлар» АПЛнинг молиявий қоидаларини бузиш билан боғлиқ деярли барча айбловлар бўйича (фақат биттасидан ташқари) айбдор деб топилгани ҳақида хабарлар тарқалганди.

2023 йил февраль ойида АПЛ «Сити»ни 2009 йилдан 2018 йилгача бўлган даврда молиявий қоидаларни 115 марта бузганликдаъ айблаган. Кейинчалик The Times нашри гап 115 та эмас, балки 130 та қоидабузарлик ҳақида кетаётганини хабар қилди: Премер-лига айбловларни эълон қилганида, айрим қоидалар бўйича тушунмовчилик юзага келган.

29 сентябр куни АПЛ ҳам барча бандлар бўйича клубнинг айбдор деб топилганини маълум қилди.

Гвардиола шундай деб ёзди:

«Дунё бўйлаб «Манчестер Сити»нинг ҳар бир мухлиси шуни билишини истайман: мен сизлар биланман. Ҳар қачонгидан ҳам кўпроқ.

Доимо клубим, унинг эгаси, директорлар кенгаши раиси, Ферран Сориано, футболчилар, ходимлар, Энцо Мареска ва сизлар — бетакрор мухлисларимиз томонида бўлганман. Ҳозир ҳам шундайман ва доимо шундай бўламан.

Аниқ айтмоқчиман: биз бу жараёндан биргаликда ўтамиз.

Барчангизни яхши кўраман».

2016 йилдан 2026 йилгача клубни бошқарган испаниялик мураббий «шаҳарликлар» билан 20 та совринни қўлга киритган.