Жезуш Роналду ҳақида: «Мураббий билан низога бормаган футболчини кўрсатинг-чи?»

Португалия миллий жамоаси бош мураббийи Жорже Жезуш Криштиану Роналдунинг Норвегияга (2:1) қарши ўйинида захирадан майдонга туширилмаганидан норози бўлгани ҳақида фикр билдирди.

— Роналду ўйиндан кейин мухлислар билан саломлашмагани, шунингдек, унинг жамоадаги авторитети муаммога айланяптими?

— Бу атиги 10, 15, 20 сония давом этган хафагарчилик, холос. Бу унинг 20 йил давомида миллий жамоага бўлган садоқатини камайтирмайди.

Сиз бир неча сония хафа бўласиз, орадан беш дақиқа ўтиб эса барчамиз миллий жамоамизнинг муҳим ғалабасини биргаликда нишонлаймиз.

— Роналду билан содир бўлган бундай ҳолатларга қандай муносабатдасиз? Бу ҳақда у билан гаплашасизми?

— Ростини айтсам, ўз номимдан, Бернарду ва Бруну номидан айтаман: ҳеч ким бу масалага катта аҳамият бермайди. Бундай ҳолатлар бошқаларда бўлгани каби унда ҳам учрайди. Менга ҳеч қачон мураббийи билан муаммоси, мураккаб вазият ёки низоси бўлмаган, мураббийидан ёки ҳатто ўзидан хафа бўлмаган бирор футболчини кўрсатинг?

Булар — ҳаётда ҳар биримиз дуч келадиган табиий ҳолатлар. Муҳими, воқеаларга кенгроқ нуқтайи назардан қарай билиш ва олдинга ҳаракат қилиш, — дея Жезушнинг сўзларини келтиради Record.