Португалия миллий жамоаси ҳужумчиси Криштиану Роналду Миллатлар лигаси 3-туридан ўрин олган Данияга қарши ўйин олдидан миллий жамоа ихтиёрини тарк этиш қарорига изоҳ берди.
«Бош мураббийининг матбуот анжумандан сўнг ва Португалия футбол федерацияси президенти билан суҳбатлашганимдан кейин миллий жамоанинг йиғинини тарк этишга қарор қилдим.
Вақти келганда, мен ҳар доим садоқат билан хизмат қилиб келган Португалия миллий жамоасини нима сабабдан тарк этганим ҳақидаги ҳақиқатни барча португалларга айтиб бераман.
Ҳозир эса Португалияга ва барча жамоадошларимга омад тилайдиган пайт», — дея Роналдунинг сўзларини келтиради журналист Фабрицио Романо Х ижтимоий тармоғида.
Аввалроқ 41 ёшли футболчи миллий жамоа бош мураббийи Жорже Жезушнинг жамоада ҳеч қандай зиддият йўқлиги ҳақидаги баёнотига қарамай, машғулотларни тарк этгани ва яқин соатларда Копенҳагендан учиб кетиши кераклиги хабар қилинганди. Шунингдек, мураббий матбуот анжуманида Роналдунинг данияликларга қарши ўйинда иштирок этмаслиги мумкинлигини маълум қилган.
«Вақти келса, ҳаммасини айтиб бераман» — Роналду Португалия йиғинини тарк этиши қарорини изоҳлади
Футбол
30 сентябр, 15:03
78
41 ёшли ҳужумчи жамоасига омад тилади.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади