Португалия ҳужумчиси Криштиану Роналду миллий жамоа йиғинини тарк этди ва яқин соатларда Мадриддаги шахсий самолётига чиқиб, Саудия Арабистонига учиб кетади. Бу ҳақда Marca хабар бермоқда.
1 октябр, пайшанба куни Португалия Миллатлар лигасининг 3-тури доирасида Данияга қарши майдонга тушади. Беллашув Копенҳаген шаҳридаги «Паркен» стадионида бўлиб ўтади.
Аввалроқ 41 ёшли футболчи бош мураббий Жорже Жезушнинг жамоада ҳеч қандай низо йўқлиги ҳақидаги баёнотларига қарамай, миллий жамоа машғулотини тарк этгани хабар қилинганди. Шунингдек, мураббий матбуот анжуманида Роналдунинг Данияга қарши ўйинда иштирок этмаслиги мумкинлигини маълум қилган.
Португалия Миллатлар лигасида иккита ўйин ўтказди. Роналду Уэлсга (1:0) қарши баҳсда 67 дақиқа майдонда ҳаракат қилди, аммо самарали ҳаракатлари билан ажралиб турмади. Норвегия (2:1) бидан ўйинда эса футболчи майдонга тушмади.
Роналду Португалия йиғинини тарк этди. У Саудияга учиб кетади
Футбол
30 сентябр, 13:58
74
41 ёшли ҳужумчи Мадриддаги шахсий самолётига чиқиб, клубига йўл олади.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади