Алешандре Пато бошчилигидаги консорциум Англиянинг тўртинчи дивизионида иштирок этадиган клубдан улуш сотиб олди.
«Нортҳэмптон Таун» футбол клуби Sports Alpha Capital компанияси Northampton Town Ventures Limited (NTVL) акцияларининг 70 фоизини сотиб олишни якунлаганини мамнуният билан тасдиқлайди. Ушбу компания «Нортҳэмптон Таун» футбол клубининг назорат пакет акцияларига эгалик қилади.
Амалдаги эгалар Дэвид Бауэр, Найжел Ле Кен ва Кэлвин Томас биргаликда NTVL акцияларининг 30 фоизини сақлаб қолишади. Битим барча зарур тартибга солувчи ва шартномавий жараёнлар муваффақиятли якунланганидан сўнг амалга оширилди.
Муҳими, «Нортҳэмптон Таун» футбол клуби янги даврга қарзларсиз, мустаҳкам пойдевор билан ва Нортҳэмптоншир графлиги жамоа ҳаётида муҳим ўрин эгаллаган ҳолда қадам қўймоқда», — дейилади клуб баёнотида.
Пато клуб директорлар кенгаши таркибига киради. «Милан» клуби ва Бразилия миллий жамоасининг собиқ ҳужумчиси 2024 йилда футболчилик фаолиятини якунлаган.
Пато Англия клубининг хўжайинларидан бирига айланди
Футбол
1 октябр, 02:53
Бразилиялик собиқ ҳужумчи бошчилигидаги консорциум 4-дивизион жамоасининг улушларини сотиб олди.
Foto: Getty Images
