Мадриднинг «Атлетико» клуби бош мураббий Диего Симеоненинг келажаги борасида бир қарорга келди. Бу ҳақда AS нашри хабар берди.
Манбага кўра, клуб ичида Симеонени жамоа бошқарувида сақлаб қолиш ва у билан шартномани узайтириш керак, деган фикр шаклланган. Томонлар ўртасида музокаралар ҳали бошланмаган бўлса-да, клубдагилар Диего билан келишувга эришиши осон бўлишига ишонади. Шунингдек, мураббийнинг маоши ҳам оширилади.
Маълумот учун, аргентиналик мутахассиснинг «матрасчилар» билан шартномаси 2026/27 йилги мавсум охирига қадар амал қилади.
Аввалроқ мураббий «Интер»ни бошқариш мумкинлиги ҳақида хабарлар тарқалганди.
Диего 2011 йил декабр ойидан буён «Атлетико»ни бошқариб келмоқда. Бу вақт давомида жамоа билан 800 дан ортиқ учрашув ўтказган.
