Англиянинг «Тоттенҳем» клуби январ ойида «Атлетико» ҳужумчиси Хулиан Алварес трансфери учун 130 миллион евро таклиф қилиш имкониятини кўриб чиқмоқда, деб хабар бермоқда El Nacional.
Манба маълумотларига кўра, Лондон клуби, шунингдек, агар аргентиналик кейинчалик ўз фаолиятини Каталонияда давом эттиришга қарор қилса, «Барселона»га ўтишни осонлаштириши кўзда тутилган сотиб олиш бандини шартномага киритишга тайёр. «Тоттенҳем» ва «Атлетико» томонидан музокаралар ҳозирча расман тасдиқлангани йўқ.
Аввалроқ «Атлетико» «Барселона» билан Алварес трансфери бўйича музокаралар олиб бормоқчи эмаслигини ва унинг тўғридан-тўғри Каталония жамоасига ўтишини кўриб чиқмаётганини очиқ айтган эди.
Маълумот учун, Алварес «Атлетико»да 2024 йилнинг августидан буён тўп тепмоқда, унинг амалдаги шартномаси 2030 йилнинг июнигача мўлжалланган.
Transfermarkt портали 26 ёшли аргентиналик ҳужумчинининг актуал трансфер нархини 100 миллион еврога баҳоламоқда.
