«ПСЖ»нинг янги футболчиси Люка Дин парижликлар бош мураббийи Луис Энрикенинг кутилмаларини оқлай олмади. Шу сабабли клуб ҳозирда «Барселона» ҳимоячиси Алехандро Балдега қизиқиш билдирмоқда. Бу ҳақда foot01.com хабар берди.
Маълум қилинишича, Энрике Диннинг ўйинидан ижобий таассурот олмаган ва кескин чора кўришга тайёр. Мураббий бу мавсумда ўз талабларини оқламаётган футболчиларга нисбатан ён босмаслигини маълум қилган. Ёзда «Астон Вилла»дан «ПСЖ»га кўчиб ўтган франциялик футболчи эса мавсум бошидан буён атиги 104 дақиқа майдонда ҳаракат қилди.
Қайд этиш лозим, Энрике «ПСЖ» спорт директори Луиш Кампушга Балдени жамоага олиб келишга тайёргарлик кўришни топширган.
Маълумот учун, испаниялик футболчи 2026/2027 йилги Ла Лига мавсумида ҳозиргача атиги 12 дақиқа ўйнади. «Барселона» эса ўз тарбияланувчисини 40 миллион евро эвазига сотишга тайёр.
