«Барселона» президенти Жоан Лапорта футболдаги авлодлар алмашинуви ҳақида ўз фикрларини билдириб ўтди.
«Бир даврни белгилаган футболчилар кетди. Бироқ энди кейинги даврни белгилайдиган бошқа футболчилар келмоқда. Биз ушбу футболчилар жаҳон юлдузларига айланиши учун шароит яратаётганимиздан фахрланамиз», — дея Лапортанинг сўзларини келтиради Barça Universal нашри.
Қайд этиш лозим, каталонияликлар Испания чемпионати турнир жадвалида етти турдан сўнг барча учрашувларда ғалаба қозониб, пешқадамлик қилмоқда. Ҳозирда клуб ҳисобида 21 очко бор. Яқин таъқибчилари «Атлетико» ва «Бетис»да эса 16 очко мавжуд.
Маълумот ўрнида, Ҳанс-Дитер Флик шогирдлари 8-турда «Хетафе»ни қабул қилади. Учрашув 10 октябр куни бўлиб ўтади ва Тошкент вақти билан 21:30 да бошланади.
Аввалроқ Лапорта Ямалнинг «Олтин тўп»га муносиб эканини айтиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади