«Barselona» prezidenti Joan Laporta futboldagi avlodlar almashinuvi haqida o‘z fikrlarini bildirib o‘tdi.
«Bir davrni belgilagan futbolchilar ketdi. Biroq endi keyingi davrni belgilaydigan boshqa futbolchilar kelmoqda. Biz ushbu futbolchilar jahon yulduzlariga aylanishi uchun sharoit yaratayotganimizdan faxrlanamiz», — deya Laportaning so‘zlarini keltiradi Barça Universal nashri.
Qayd etish lozim, kataloniyaliklar Ispaniya chempionati turnir jadvalida yetti turdan so‘ng barcha uchrashuvlarda g‘alaba qozonib, peshqadamlik qilmoqda. Hozirda klub hisobida 21 ochko bor. Yaqin ta’qibchilari «Atletiko» va «Betis»da esa 16 ochko mavjud.
Ma’lumot o‘rnida, Hans-Diter Flik shogirdlari 8-turda «Xetafe»ni qabul qiladi. Uchrashuv 10 oktabr kuni bo‘lib o‘tadi va Toshkent vaqti bilan 21:30 da boshlanadi.
Avvalroq Laporta Yamalning «Oltin to‘p»ga munosib ekanini aytib o‘tgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi