«Barselona» prezidenti Joan Laporta jamoaning 19 yoshli vingeri Lamin Yamal 2026 yilgi «Oltin to‘p»ni qo‘lga kiritishga munosib deb hisoblaydi.
«Agar Yamal bu yil «Oltin to‘p»ni qo‘lga kiritsa, xursand bo‘laman. Menimcha, u bunga munosib», — dedi Laporta.
Eslatib o‘tamiz, Lamin «Barselona» bilan Ispaniya chempioni bo‘ldi, Ispaniya milliy jamoasi safida esa 2026 yilgi jahon chempionatida g‘olib chiqdi.
Ma’lumot o‘rnida, La Liga ushbu mavsumida Yamal 5 ta uchrashuvda maydonga tushib, 6 ta gol urdi. Ularning bittasi penaltidan kiritilgan.
«Oltin to‘p»ni topshirish marosimi esa 26 oktabr kuni bo‘lib o‘tadi. Avvalroq Yamal mukofotga o‘zini loyiq deb hisoblashini aytib o‘tgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi