O‘zbekiston milliy jamoasi Toshkentda Suriyaga qarshi o‘rtoqlik o‘yini o‘tkazadi

O‘zbekiston milliy jamoasi navbatdagi FIFA kunlarida bir qator o‘rtoqlik uchrashuvlari o‘tkazishi rejalashtirilgan. Bu haqda O‘FA matbuot xizmati xabar berdi.

Fabio Kannavaro boshqaruvidagi jamoa Toshkentda Suriya milliy jamoasiga qarshi o‘yin o‘tkazadi. O‘yin 1 oktabr sanasida bo‘lib o‘tadi. Ushbu qarama-qarshilik Toshkent vaqti bilan soat 19:00 da start olishi rejalashtirilgan.

Avvalroq O‘zbekiston milliy jamoasi Farg‘onada Eron milliy jamoasiga qarshi bahsda maydonga tushishi ma’lum qilingandi. Bu o‘yin esa 24 sentabr kuni bo‘lib o‘tadi.