«Neftchi» bosh murabbiyi Islom Ismoilov «Eyr Fors»ga qarshi bahsda (1:0) Elit Osiyo Chempionlar Ligasining ikkita rekordini yangiladi. Bu haqda klub matbuot xizmati xabar berdi.
«Kecha, 14 sentabr kuni «Eyr Fors» ustidan qozonilgan g‘alaba «Neftchi» uchun nafaqat muhim uch ochko, balki tarixiy natija bilan ham yodda qoldi.
Jamoamiz bosh murabbiyi Islombek Ismoilov bir kunda Elit Osiyo Chempionlar Ligasining ikkita rekordini yangiladi:
🔸 Elit OChL tarixida uchrashuv o‘tkazgan eng yosh bosh murabbiy;
🔸 Elit OChL tarixida g‘alaba qozongan eng yosh bosh murabbiy.
Shu tariqa, Islombek Ismoilov o‘z nomini Osiyo futbolining nufuzli musobaqasi tarixiga muhrladi.
Ayniqsa, Osiyo futbolini yaqindan kuzatuvchi xorijlik jurnalistlarning Islombek Ismoilov haqidagi e’tiroflari uning murabbiy sifatidagi salohiyatiga bo‘lgan xalqaro e’tibor tobora ortib borayotganini ko‘rsatmoqda», — deyiladi xabarda.
Muxlislar bu yangilikni Telegram’da muhokama qilmoqda
Izohlar Telegram’da ochiladi