FIFA кунлари доирасида Аргентина миллий жамоаси Буркина-Фасога қарши ўртоқлик учрашувини ўтказди. Унда «кумушранг ўлка вакиллари» йирик 7:0 ҳисобида ғалаба қозонди.
Эътиборлиси, 19 ёшли вингер Франко Мастантуоно ҳам ўз номини таблога ёздириб, Аргентина миллий жамоаси сафидаги илк голини урди.
Ёш футболчи Буркина-Фасога қарши ўртоқлик учрашувининг иккинчи бўлими бошида майдонга тушди ва 57-дақиқада рақиблар дарвозасини ишғол қилиб, ҳисобни 6:0 кўринишига келтирди.
Мастантуоно учун ушбу баҳс миллий жамоа сафидаги 6-ўйин бўлди. Бунга қадар у жамоа сафида гол ёки ассист қайд этмаганди.
Эслатиб ўтамиз, аргентиналик иқтидорли футболчи август ойидан буён Италиянинг «Фиорентина» клубида ижара асосида тўп тепмоқда. Футболчининг трансфер ҳуқуқлари эса ҳамон Мадриднинг «Реал» клубига тегишли.
Маълумот учун, Лионел Скалони шогирдлари навбатдаги учрашувни Бенинга қарши ўтказади. Ушбу баҳс Лионел Мессининг Аргентина миллий жамоаси билан хайрлашув учрашуви бўлади.
