Аргентиналик афсонавий футболчи Лионел Месси Испаниянинг иккинчи дивизиони Сегундада иштирок этадиган «Элденсе» клубининг янги эгасига айланди. Бу ҳақда клуб матбуот хизмати расман хабар берди.
«Лионел Месси томонидан клубнинг сотиб олиниши «Элденсе»нинг бир асрдан ортиқ тарихида янги ва ҳаяжонли босқични бошлаб беради», — дейилади баёнотда.
Клуб таъкидлашича, футбол тарихидаги энг машҳур шахслардан бирининг «Элденсе» эгасига айланиши узоқ муддатли лойиҳанинг бошланиши ҳисобланади. Унинг асосий мақсади жамоани спорт, ташкилий ва ижтимоий жиҳатдан ривожлантиришдан иборат.
1921 йилда ташкил этилган жамоа профессионал футболда ўз ўрнини мустаҳкамлаш ва юқори натижаларга эришишни мақсад қилган. Шу билан бирга, клуб ўз тарихи, қадриятлари ва кўк-қизил анъаналарини сақлаб қолишини билдирган.
Маълумот ўрнида, «Элденсе» Сегундада ўтказилган 7 турдан кейин 5 очко жамғарган. Жамоа айни пайтда турнир жадвалининг 19-поғонасини эгаллаб турибди.
Аввалроқ Месси шу йил охирида футболчилик фаолиятини якунлаши мумкинлиги маълум қилинганди.
