Ўзбекистон миллий жамоаси яримҳимоячиси Умарали Раҳмоналиев Сурияга қарши ўйин (4:1)дан сўнг ўз фикрлари билан ўртоқлашди.
«Ўйинга тўхталадиган бўлсак, ўйин биз кутгандан яхши ўтди.
Тўғри, Сурия миллий жамоаси ҳар доим бизга қийинчилик туғдирган. Улар жанговор ўйин услуби билан ҳар доим назоратни ўзига оғдириб олишга ҳаракат қилади ва бугун биз бу услубдан 20-дақиқагача қийналдик.
Голдан кейин улар яна ҳам эркин ўйнашди. Ўйлайманки, биз мухлислар кутгандан ҳам яхшироқ натижа қайд этдик.
Менимча, эртага камчиликларни муҳокама қиламиз. Кўриб чиққанда, видеотаҳлилларда бу камчиликлар яққол кўринади.
Албатта, ҳар битта ўйинда камчиликлар, нуқсонлар, қанақадир хатоларга йўл қўйган бўламиз. Буларни таҳлил қилиб, ўйлайманки, кейинги ўйинларга янада кучлироқ бўлиб ҳаракат қилишга интиламиз.
Жанубий Кореяга қарши баҳслар принсипиал ўйин ҳисобланади. Шунинг учун максимал тайёргарлик кўрамиз.
Ўйлашимча, ҳамма ижобий натижа кутмоқда. Шунинг учун биз бор кучимиз билан ҳаракат қиламиз, натижа эса Аллоҳдан. Нима бўлганда ҳам боримизни берамиз», — деди Раҳмоналиев.
Мухлислар бу янгиликни Telegram’да муҳокама қилмоқда
Изоҳлар Telegram’да очилади