Россиялик таниқли ҳужумчи Артём Дзюба профессионал футболчилик фаолиятини якунлаганини маълум қилди.
Шу билан бирга, у Россия кубогида яна бирор клуб сафида майдонга тушиш эҳтимолини истисно қилмади.
«Фаолиятим якунланди. Тамом. Ҳозирча буни расман эълон қила олмайман. Балки кубокда яна қайсидир жамоа сафида ўйнарман», — дея Дзюбанинг сўзларини келтиради «РБ Спорт».
Маълумот ўрнида, 38 ёшли ҳужумчи фаолияти давомида «Спартак», «Локомотив», «Зенит», «Ростов», «Арсенал», «Том», «Акрон» ҳамда Туркиянинг «Адана Демирспор» клубларида тўп тепган.
Қайд этиш лозим, Дзюба Россия чемпионати тарихидаги энг яхши тўпурар ҳисобланади. У мамлакат чемпионатида жами 179 та гол урган.
Шунингдек, ҳужумчи Россия миллий жамоаси сафида 31 гол муаллифи бўлиб, миллий жамоа тарихидаги энг яхши тўпурар мақомига ҳам эга.
Аввалроқ Роналду Португалия миллий жамоасидаги фаолиятини якунлаганини маълум қилди.
