Ўзбекистон миллий жамоаси футболчиси Муҳаммадрасул Абдумажидов соғлиғидаги кичик муаммо сабабли Сурияга қарши баҳсни ўтказиб юборади. Бу ҳақда Ўзбекистон футбол ассоциацияси хабар берди.
Қайд этилишича, футболчининг ҳолати шифокорлар томонидан назоратга олинган. Мутахассислар тавсиясига кўра, ундаги муаммо жиддий тус олишининг олдини олиш мақсадида мураббийлар штаби Абдумажидовни ушбу беллашувда майдонга туширмасликка қарор қилган.
Шу тариқа яримҳимоячи ёки ҳужум чизиғида ҳаракат қиладиган футболчи миллий жамоанинг Сурия билан баҳсида жамоасига ёрдам бера олмайди. Абдумажидовнинг кейинги баҳсларда иштирок этиши унинг соғлиғи билан боғлиқ ҳолатга қараб белгиланади.
