Жисмоний тайёргарлик бўйича мутахассис Бранко Чирич «Андижон» клубини тарк этди. Бу ҳақда клуб матбуот хизмати маълум қилди.
Сербиялик мутахассис ушбу мавсум бошидан бери «Андижон»да фаолият юритиб келаётганди. Унинг жамоа билан тузилган меҳнат шартномаси томонларнинг ўзаро келишувига кўра бекор қилинди.
Қайд этилишича, Чирич оилавий сабабларга кўра ўз юртига қайтишни маъқул кўрган. Шу тариқа мутахассис «Андижон»даги фаолиятини якунлади.
Клуб Бранко Чиричга жамоа таркибида олиб борган фаолияти учун миннатдорчилик билдирди ҳамда унинг кейинги иш фаолиятида омад тилади.
Маълумот учун, «Андижон» Суперлига 22-туридан сўнг 30 очко билан 8-ўринда бормоқда.
