O‘zbekiston milliy jamoasi futbolchisi Muhammadrasul Abdumajidov sog‘lig‘idagi kichik muammo sababli Suriya terma jamoasiga qarshi bahsni o‘tkazib yuboradi. Bu haqda O‘zbekiston futbol assotsiatsiyasi xabar berdi.
Qayd etilishicha, futbolchining holati shifokorlar tomonidan nazoratga olingan. Mutaxassislar tavsiyasiga ko‘ra, undagi muammo jiddiy tus olishining oldini olish maqsadida murabbiylar shtabi Abdumajidovni ushbu bellashuvda maydonga tushirmaslikka qaror qilgan.
Shu tariqa yarimhimoyachi yoki hujum chizig‘ida harakat qiladigan futbolchi milliy jamoaning Suriya bilan bahsida jamoasiga yordam bera olmaydi. Abdumajidovning keyingi bahslarda ishtirok etishi uning sog‘lig‘i bilan bog‘liq holatga qarab belgilanadi.
