Braziliya o‘rtoqlik uchrashuvida Avstraliyani ishonchli hisobda mag‘lub etdi

Braziliya milliy jamoasi o‘rtoqlik uchrashuvida Avstraliyaga qarshi o‘ynab, 4:2 hisobida g‘alaba qozondi.

Braziliyaliklar uchrashuvning 3-daqiqasidayoq hisobni ochishdi. Vanderson jamoasi hujumini aniq zarba bilan yakunlab, mehmonlarni oldinga olib chiqdi.

Biroq Avstraliya tezda tashabbusni o‘z qo‘liga oldi va tanaffusga qadar nafaqat hisobni tenglashtirdi, balki oldinga ham chiqib oldi. 30-daqiqada Alessandro Chirkati muvozanatni tiklagan bo‘lsa, oradan to‘rt daqiqa o‘tib Konor Metkalf avstraliyaliklarni oldinga olib chiqqan golni urdi — 2:1.

Birinchi bo‘lim yakuniga yaqin Braziliya penalti tepish huquqini qo‘lga kiritdi. 11 metrlik jarimani Rafinya aniq amalga oshirib, hisobni tenglashtirdi.

Tanaffusdan so‘ng Braziliya yana tashabbusni o‘z qo‘liga oldi. 70-daqiqada Brunu Gimaraes jamoasining uchinchi golini urdi. Oradan yana o‘n daqiqa o‘tib, Vinisius Junior penaltini aniq amalga oshirib, yakuniy hisobni o‘rnatdi — 4:2.

O‘rtoqlik uchrashuvi
Avstraliya – Braziliya 2:4
Gollar: Chirkati 30, Metkalf 34 – Vanderson 3, Rafinya 45, Gimaraes 70, Vinisius 80.
Braziliya – Otavio, Vanderson (Andrey Santos, 61), Jair Kunha (Artur Dias, 88), Gabriel, Mauro Junior (Bidon, 88), Gimaraes (Lino, 83), Danilo (Vitor Reis, 88), Rayan, Bontempo (Estevao, 61), Vinisius (Martinelli, 83), Rafinya (Endrik, 46).