Braziliya milliy jamoasi bosh murabbiyi Karlo Anchelotti hujumchi Vinisius Junior haqida fikr bildirdi.
Avvalroq braziliyaliklar Avstraliya milliy jamoasiga qarshi ikkita o‘rtoqlik uchrashuvini o‘tkazib, 1:1 va 4:2 hisoblarida natija qayd etgan edi.
«Vinisius haqida yana nima deyish mumkinligini ham bilmayman, axir uni juda yaxshi bilaman. Men uchun u milliy jamoaning asosiy futbolchisi, Braziliya uchun muhim o‘yinchi. Faoliyatimning avvalgi bosqichlarida ham u shunday edi va bundan keyin ham shunday bo‘ladi.
Hozir Vinisius eng yaxshi holatida emas, ammo mavsum endi boshlandi. Vini har doim jamoaga o‘z hissasini qo‘shadi. Ayniqsa, bugungidek eng yaxshi holatida bo‘lsa. U jamoamizni oldinga olib chiqqan uchinchi golni urdi.
Unga nisbatan juda va juda sabrli bo‘laman, chunki Vinisius bunday sabrga loyiq», — deya Anchelottining so‘zlarini keltiradi Globo.
