Бразилия миллий жамоаси бош мураббийи Карло Анчелотти ҳужумчи Винисиус Жуниор ҳақида фикр билдирди.
Аввалроқ бразилияликлар Австралия миллий жамоасига қарши иккита ўртоқлик учрашувини ўтказиб, 1:1 ва 4:2 ҳисобларида натижа қайд этган эди.
«Винисиус ҳақида яна нима дейиш мумкинлигини ҳам билмайман, ахир уни жуда яхши биламан. Мен учун у миллий жамоанинг асосий футболчиси, Бразилия учун муҳим ўйинчи. Фаолиятимнинг аввалги босқичларида ҳам у шундай эди ва бундан кейин ҳам шундай бўлади.
Ҳозир Винисиус энг яхши ҳолатида эмас, аммо мавсум энди бошланди. Вини ҳар доим жамоага ўз ҳиссасини қўшади. Айниқса, бугунгидек энг яхши ҳолатида бўлса. У жамоамизни олдинга олиб чиққан учинчи голни урди.
Унга нисбатан жуда ва жуда сабрли бўламан, чунки Винисиус бундай сабрга лойиқ», — дея Анчелоттининг сўзларини келтиради Globo.
