«Парма» клуби Алберто Жилардино жамоа бош мураббийи этиб тайинланганини маълум қилди.
Қайд этилишича, 44 ёшли мутахассиснинг клуб билан меҳнат шартномаси 2026/2027 йилги мавсум охирига қадар амал қилади. Шартномада уни яна икки мавсумга узайтириш имконияти ҳам кўзда тутилган.
«Парма» Италия чемпионатининг дастлабки беш туридан сўнг тўрт очко жамғарган ва турнир жадвалида 14-ўринни эгаллаб турибди.
Эслатиб ўтамиз, «Парма» А Сериядаги навбатдаги баҳсини сафарда «Интер» клубига қарши ўтказади. Беллашув 10 октабр куни бўлиб ўтади.
Аввалроқ жамоа қониқарсиз натижалар фонида Карлас Куестани истеъфога чиқарганди.
Жилардино футболчилик фаолияти давомида «Парма», «Милан», «Фиорентина», «Женоа» ва бошқа бир қатор жамоаларда тўп тепган. Мураббий сифатида эса «Про Верчелли», «Сиена», «Женоа» ва «Пиза» жамоаларида ишлаган.
