«Интер»нинг собиқ ҳимоячиси Маттео Дармиан фаолиятини «Болоня»да давом эттиришга яқин турибди. Бу ҳақда инсайдер Николо Скира хабар бермоқда.
36 ёшли италиялик футболчи айни пайтда эркин агент мақомида бўлиб, янги клуби билан шартнома шартларини келишиб олди. Футболчи «Болоня» билан 2027 йил ёзигача мўлжалланган бир йиллик шартнома бўйича келишувга эришган.
Клуб тажрибали ҳимоячини жароҳат олган Эмил Холм ўрнига таркибга қўшишни режалаштирмоқда. Холмнинг сон мушагидаги жиддий жароҳати сабаб 4–6 ой майдонга туша олмаслиги мумкин. Аввалроқ италиялик футболчига «Торино» ва «Каляри» ҳам қизиқиш билдирган эди.
Маълумот учун, Дармиан 2020–2026 йиллар давомида «Интер» сафида 218 та ўйинда майдонга тушиб, 13 та гол ва 13 та ассист қайд этди. У миланликлар билан 3 марта А Серия, 3 марта Италия кубоги ва 3 марта Италия Суперкубогини қўлга киритган. 2026 йилнинг ёзида унинг «Интер» билан шартномаси якунланган.
